Timersortarfinni ataatsimoorussamik siunissamut periusissiortoqarnissaa, Kalaallit Nunaanni pisariaqartinneqarpoq.
Kalaallit Nunaanni Timersoqatigiit Kattuffiata (GIF) Idrættens Analyseinstitutimit (Idan) Syddansk Universitetiti aqqutigalugu misissuititsinerani tamanna ersersinneqartoq nalunaarusiami atuarneqarsinnaavoq.
Nuna tamakkerlugu timersortarfiit timimillu aalatitsineq pillugit nalunaarusiaq, Timersoqatigiit Kattuffiata (GIF) maajip tallimaani tamanut saqqummiuppaa. Kommunini tallimani timersortarfiit atorneqarnerat aserfallatsaalineqarnerilu ataatsimut isigalugit aatsaat nalunaarusiortoqarpoq.
Aningaasaliinerit, pisariaqartitat timersortarfiillu atorneqarnerisa ataqatigiinnginnerannik takutitsivoq. Taamatuttaaq ilisimatusartut nunatsinni timersortarfiit siunissami ineriartortinneqarnissaannut pingaarutilinnik unammillernartunik tunngavinnik pingasunik tikkuussipput.
Ataatsimoorussamik periusissiaqanngilaq
Kalaallit Nunaanni kommunit arlaannaalluunniit timersortarfinnut ataatsimut periusissiaqanngilaq – naak 2023‑mi timersornermut ukiumut 80 mio. koruunit missaat atorneqarsimagaluartut.
Nalunaarusiaq naapertorlugu tamanna pissutigalugu ataasiakkaaraluni pingaarnersiuisoqartarpoq, ataatsimoorussamik siunnerfeqartoqarani, aningaasallu pitsaanerpaamik atorneqarnersut erseqqissumik ilisimaneqarani.
Paasissutissat amigartut pilersaarusiornissamut akornutaapput
Paasissutissat amigaatigineqarnerat pilersaarusiornissamut
pingaarnersiuinissamullu akornutaasut, nalunaarusiami aamma
erseqqissarneqarpoq.
Nalunaarusiaq naapertorlugu timersortarfinnik qanoq amerlatigisunik, qanoq innerannik qanorlu atorneqartigineranik aamma qanoq inissaqartitsitiginerannik ilisimasat amigaataapput. Pisariaqartitsineq timersornermullu aningaasaliinerit nalileruminaatsinneqarnerannik tamanna kinguneqarpoq.
Pinngortitaq pingaaruteqarpoq
Nalunaarusiami paasisat soqutiginartut ilaat tassaavoq Kalaallit Nunaanni timersorneq eqqarsaatigalugu asimi sammisassaqarneq annertuumik nipilersoqataanera.
Inersimasut pingasuugaangata ataaseq pinngortitami timigissartarpoq, assersuutigalugu pisuttuartarluni. Taamatuttaaq meeqqat amerlasuut, ingammik nunaqarfimmiut pinngortitami aalajangersimanngitsumik sammisaqarlutik timiminnik aalatitsisarput.
Taamaakkaluartoq pinngortitaq timersortarfinnut pilersaarusiornissamut killilimmik ullumikkut malunnaateqarpoq. Taamaattumik nalunaarusiami siunissami timersortarfiit annerusumik silami, majuartarfinni silamilu timersornikkut sammisassaqartitsinermi taputaartuunneqartassasut innersuutigineqarpoq.
Aalajangiinnginnermi ilisimasaqarneq
Timersoqatigiiffiit Kattuffiat naapertorlugu nalunaarusiaq siunissami Kalaallit Nunaanni tamani timersortarfinnik timigissartarfinnillu inerisaanissaq pillugu oqaloqatigiinnermi ataatsimut tunngavissatut atorneqassaaq.
Nalunaarusiaq politikkikkut siunnersuutaanani kommuninut, timersoqatigiiffinnut soqutigisaqatigiillu allat nalilersuinissaminnut tunngavissarissagaat Timersortartut Kattuffiata erseqqissarpaa.
- Nalunaarusiaq Kalaallit Nunaanni timersorneq timersortarfiillu pillugit paasisat eqqortut atorlugit inissisimaffimmik ersersitsisuuvoq, taannalu amigaatiginikooqaarput. Timersornermut aningaasaliissutaasartut annertoorujussuupput, taamaattumillu aalajangiinerit ilisimasaqarluarnermik tunngaveqartariaqarput. Illoqarfinni, nunaqarfinni atuisunilu tamani nukittuffiit unammillernartullu tamaasa nalunaarusiap takutippai aamma oqaloqatigiinnissamut pingaarnersiuinermullu ataatsimut tunngavissamik pilersitsilluni, Claus Nielsen, Kalaallit Nunaanni Timersoqatigiit Kattuffianni siulittaasoq oqarpoq.
Nalunaarusiaq tamaat akeqanngitsumik pissarsiarineqarsinnaavoq, GIF-illu siunissami nalunaarusiami paasissutissat pingaarnerit paasisallu www.gif.gl-ikkut ingerlaavartumik saqqummiuttarpai.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
