Aasiaat eqqaani umiatsiaq ataasinngormat ikuallappoq. Politiit ullup-qeqqata qaangilaarnerani kalerrinneqartut, pigaartut pisortaat Aqqalu Petersen oqarpoq.
Umiatsiami kiassaataa uuliamik ikummatilik ikuallalersimasoq sivitsunngitsoq qaminneqarpoq.
Umiatsiaq ajoquserluinnarpoq kivillunilu, pigaartut pisortaat oqarpoq.
- Piginnittuali ajunngilaq, inunnillu ajoqusertoqarani, Aqqalu Petersen oqarpoq.
Umiatsiaq imaani ungasinngitsumiimmat ikuallannera Aasianniittut tamarmik takusinnaasimavaat.
