Nittartagaq eqqunngitsoq qallunaat Kalaallit Nunaannut misiginneqataanerannik atornerluisoq

Elsep Koldingimeersup Bodilillu Herningimeersup suut assigiissutigaat?

Nittartakkami sostreneniviogaja.dk-mi kalaallit ilusilersugaannik nuersakkanik pisinikuupput – nittartakkamilu allatami pisiatik naammagisimaarluinnaraat atuarneqarsinnaavoq. Kisimik pisinikuunngillat. Suliffeqarfimmiit Søstrene Nivi og Aja-miit pisisimasut katillugit qulit nersualaarinnipput.

"Nittartakkatigut atisarsiniarnikuunngisaannarpunga. Panimma inniminniiniarninni ikiorpaanga. Marluulluta annilaangalaarpugut – poortugarli tikimmat marluulluta ammarparput. Tujuulussuaq tigugatsigu oqaaseqanngilagut. Kusanartorujussuuvoq aqillunilu. Kingornatigut allamik inniminniivunga – tamatumuuna nammineq“, Else Koldingimeersoq oqaluttuarpoq.

Bodil Herningimeersoq tamatumunnga assingusumik misigisaqarsimavoq.

Tamarmik tutsuiginarput — allaat Else Bodilili nuersakkanik tujuulussuaqarlutik assigi takuneqarsinnaapput.

Ajornartorsiulli ataaseq piuvoq. Assimiittut Elsemik Bodilimillu ateqanngillat, tassaappulli Sofia Rossen Nuummeersoq aamma Dorthe Ivalo Jensen Sisimiuneersoq.

- Assi takugakku tupaallaqaanga, Sofia Rossen oqarpoq.

- Assi taanna Lisa Sólrun Christiansenip nuersagaa pisiarinikuusara atorlugu angerlarsimaffitsinni isaariami nammineq assilisaraara.

- Nittartagaq taanna ajorluinnartumik imaqarpoq, Sofia Rossen oqarpoq.

Ilumuunngitsoq

Rossen ilumoorpoq. Nittartagaq taanna ilumuunngilaq — inunnik tatiginnittunik nuersaanermillu nuannerisalinnik Kalaallit Nunaata nunani tamalaani ukiup aallartinnerani eqqartorneqangaatsiarnerata kingorna soqutiginnilersimasunik sianiinaariniarfiuvoq.

Nittartagaq Søstrene Nivi og Aja februaarip 16-ianni pilersinneqarpoq. Tassani qatanngutit arnat marluk meeraanerminniilli nuersaasartut ikinngutiminnut ilisarisimasaminnullu tuniniaasartut oqaluttuarineqarput. Kalaallit Nunaat januaarimi malinnaavigineqarnerujussuani nutaamik pisoqarpoq:

“Kikkuunersugut paaserusunneqalerpoq. Piffissanngorpoq. Tujuulussuaatigut, kavaajaasat, alersit atisallu nuersakkat poortoriarlugit Danmarkimut perngaammik nassiuppavut. Suliffeqarfittuunngitsoq. Kunngeqarfimmili tamani kissalaarnissaq siunertaralugu", oqaluttuaq nuannersoq nittartakkami atuarneqarsinnaavoq.

Ukiorpassuarni nuersaasarnikuuvugut. Maanna piffissanngorpoq. Puuguttat, kavaajassat, kamippavut atisanillu nuersakkatsinnik poortuivigaagut — siullermeerlutalu Danmarkimut nassiullugit. Niuernermik siunertaqartinnagu, kisiannili kunngeqarfimmi tamarmi kissarsuutigineqartariaqarmat,“ nittartakkami oqaluttuaq killitsinnartoq taama nipeqarpoq.

Nittartagaq taanna nioqqutissat tuniniaavittut ilisimasalinnit suliaavoq. Nittartagalerinermik ilisimasaqanngitsuniit suliaanngilaq.

Nittartagaq nioqqutissanik tuniniaaffik ilisimasalinnit ilusilersugaavoq. Nittartagalerineq ajortumiit suliaannginnera ersarippoq. Quppernerup qulaani Nivip Ajallu assigat kusanartoq takuneqarsinnaavoq, taava tujuulussuit kavaajaasallu nuersakkat - ilutsinik Silaqaq, Imaq, Qaleralik aamma Qanoq atsikkanik angisuunik assitalinnik pisiassanik neqeroorutinik peqarluni. Nittartakkami allermi pisisut innersuussutaat, ilaatigut Elsep Koldingimeerput Bodilillu Herningimeersup allatai, kiisalu iserfissat piumasaqaatit, Inuinnartut inuunerup eqqissisimatitaanissaanut politikki, suliffeqarfiup addressia Aqqusinersuaq 12 Nuummiittutut allaqqasoq takuneqarsinnaapput.

Silassorissuusiaq

Nittartakkamili ajornartorsiutit assimi qullermiittumi, Nivip Ajallu assigini – arnanik inuusuttunik marlunnik silami illutoqaq aappalaartoq KGH tunuliaqutaralugu assilisami – aallartipput.

Assi silassorissuusiaq atorlugu pilersitaavoq – piviusuunngilluinnarpoq.

Assimiittup aappaa tassaavoq Josepha Kûitse Kunak Thomsen, taassumalu assi Søstrene Nivi og Aja-p Facebookimi qupperneranni nalaatsornerinnakkut takuaa, suliffeqarfiusaartormi aamma qupperneqarpoq.

Josepha Kûitse Kunak Thomsen tupaallappoq.

- Ukiut marluk sinnerlugit nuersaanikuunngilluinnarpunga, oqarpoq.

Josepha Kûitse Kunak Thomsenip assi Facebookip piginnuttuanut Metap qullersaqarfianut nalunaarutigaa, iluaqutaasimanngitsorli Sermitsiamut oqarpoq.

- Kiinnama atorneqarnera uggoreqaara, Metallu ajornartorsiutitaqannginneraanera. Kiinnap digitalikkut pigineqarsinnaannginnera ajornartorsiuterujussuusoq isumaqarpunga. Inunnit aningaasannanniarluni taama atorneqartarneq nalunagu amiilaarnarpoq, Josepha Kûitse Kunak Thomsen oqarpoq.

Sermitsiap nittartagaq Søstrene Nivi og Aja Lisa Sólrun Christiansenimut takutippaa. Taanna suliffeqarfimmik Sólrun Design Greenlandimik, nuersakkanik nuilaqutiniit isumassarsiorluni sanaartortitsisartumik, piginnituuvoq. Mamiatsaatigeqaa.

- Nittartakkami nioqqutissat ilarpassui uanga pigisanneersut takusinnaavakka – suliffeqarfillu taanna atuumassuteqarfiginagu. Niuertut qanimut suleqatigisakka aqqutigalugit pigisakka nammineq tuniniartarpakka. Søstrene Nivi og Aja-lu tusarsimanngisaannarpakka isumaqatigiissuteqarfigisimanngisaannarlugilluunniit. Peqquserlunneruvoq, Lisa Sólrun Christiansen Sermitsiamut oqarpoq.

Kiaana suliaa?

Kinaana peqquserlunnermik taama annertutigisumik suliaqartoq?

Ujaasisarfimmi whois.com-imi sostreneniviogaja.dk Jamal Ranj Hameed Rasulimit, Københavnip eqqaani Brøndby Strandimi najugaqartumit pigineqartoq paasivarput. Suliffeqarfinnik nalunaarsuisarfimmi CVR-registerimi Jamal Ranj Hameed Rasulip suliffeqarfik The Fasion ”kaminnik tuniniaasarfimmik” ingerlatsisuusutut nalunaarsorsimavoq. Suliffeqarfik 2023-mi pilersinneqarami CloseEffectimik taaguuteqarpoq.

Krak.dk-mi Jamal Ranj Hameed Rasul Brøndby Strandimi najugaqartutut allaqqasumut oqarasuaatikkut attaveqarniaraluarpugut, akineqarnerli ajorluta.

Sermitsiap sammisaq nangeqqissavaa.