Avannaata Kommuniata atuarfiini iPadsit atorneqassappat? Tamanna borgmesterimit, Lars Erik Gabrielsenimit (S) aammalu Piorsarsimassutsimut, Atuartitaanermut, Meeqqeriveqarnermullu Ataatsimiititaliamut ilaasortanit isumaqatigiinngissutaavoq.
Borgmesterip kommuniminni meeqqat atuarfiini iPadsinik atuisinnaaneq unitsivillugu periarfissaajunnaarusukkaa, kommunalbestyrelsip marsip 27-anni ileqquusumik ataatsimiinnerannit imaqarniliami atuarneqarsinnaavoq.
- Borgmesterip kissaatigivaa atuarfinni ipad atorunnaassasoq, imaqarniliami taama allassimasoqarpoq.
Itigartoq
Borgmesterip atorunnaarsitserusunnera kommunimi atorfilittat isumatsialaasorinnginnamikku ataatsimiititaliamut misissuisoqaqqaarnissaanik inassuteqarput.
- Ipad-i atuartitsinermi sakkussatut atortussatut periarfissanut ilaavoq. Ipad-imik atorunnaarsitsinerup
kingunerisinnaasai eqqumaffissat arlaqarput. Taamanna toqqammavingalungu siornatingut
misissuisitsisimaneq malitseqartillungu Rambøll misissueqqinnissaa pittaasuussooq, ingerlatsivik allappoq.
Ingerlatsiviup iPadsinik atorunnaarsitsisinnaaneq pillugu misissuisoqaqarnissaanik inassuteqarnera atuartitaanermut ataatsimiititaliap aammalu naggataani kommunalbestyrelsip, isumaqatigigamikku akueraat.
Misissuisoqassasoq
Suliarlu pillugu ima ingerlariaqqittoqassaaq:
- Atuarfinni ipadinik atuinerup unitsinneqarnissaa Kivitsisami siulersuisut qanimut suleqatingalugit, attuumassuteqartullu tamaasa qanimut suleqatingalugit misissueqqissaarneq ingerlanneqassooq.
- Ingerlatsivimmiit, atuarfiup aqutsisunit, ilinniartitsisunit, angajoqqaat sinniisaannit minnerunngittumillu meqqanit inuusuttunillu suleqatigiiffigalugu ingerlanneqassaaq.
