Team Kalaallit Nunaat 2026-mi Arctic Winter Gamesip kingorna Canadamut angalanermit oqimaannerusumik nassataqarlutik timmisartumit ujaminnattaatik 80-it nassarlugit niupput. Kalaallit Nunaanni Timersoqatigiit Kattuffianni (KTK) pisortamut Jonas Jensenimut ujamiinnarnik angusaqarfiunngilaq – aamma inuttut misigisat pingaaruteqarput.
– Ukioq manna unammiuaarnerit malinnaaffigalugit peqataaffigalugillu nuanneqaaq, Team Kalaallit Nunaannut tamatigoortumik misigisaqarfiuvoq, Jonas Jensen oqarpoq, taassumalu aamma ukioq manna Yukonimi Canadamiittumi aaqqissuisut qujaffigivai.
- Inuusuttut aaqqissueqataasut atortorissaarutitigut nutarterineq ingerlassimavaat, tamannalu malunnaatilimmik iluaqutaavoq. AWG-p app-ia ingerlalluarpoq, unnuisarfiit aaqqissuulluagaapput, angallassineq ingerlalluarpoq atortullu pitsaalluinnartuullutik, pisortaq angerlamukaartoq oqaluttuarpoq.
Taamaalilluni ukioq manna unammiuaarnerit pilersaarusiorluarnerup nutaaliornerullu peqataasunut qanoq nuannernerulersitsisarsinnaanerannik, Arctic Winter Gamesillu pitsaassusianik tamakkiisumik qanoq qaffatsitsisinnaanerannik takutitsinertut aamma eqqaamaneqarput.
Saviminerinnaanngitsoq
Team Kalaallit Nunaat 80-inik ujaminnapput – amerlaqaat, kisianni ujaminnattut tamarmik sungiusarsimanermik, tunniusimanermik timersortartullu peqatigiiffianni ataatsimoornermik tunuliaqutaqarput.
- Ujaminnannerit takutippaat siammasissumik eqqarsarneq iluatsilluartoq. Peqatigiiffiit, sungiusaasut kajumissutsiminnillu suliaqartorpassuit tunngavileeqataapput. Piukkunnaatillit toqqissisimasumik avatangiiseqaraangamik tapersersorneqaraangamillu ineriartorsinnaapput, Jonas Jensen oqarpoq.
Timersoqatigiit Kattuffianni pisortap angusat kisiimik pineqanngitsut oqaatigaa.
– Arctic Winter Gamesimi angusaqarluarnissaq kisimi siunertaannginnera erseqqissassallugu pingaaruteqarpoq. Timersorneq aamma nuannaarnermut, ataatsimoornermut, inuulluataarnissamut inuppassuarnut pikkorissunulluunniit periarfissanik pilersitsinermut tunngassuteqarpoq. Najukkami timersornermik avatangiisit nukittorsartuarutsigit, timersortartunilu kinguaariit tullii tapersersortuarutsigit unammiuaarnerni assigiinngitsorpassuarni angusaqartoqarsinnaassaaq – nuna tamakkerlugu nunanilu tamalaani. Taamatulli meeqqat inuusuttullu timersornermut peqataajualernissaat, qanorluunniit piginnaaneqartigigaluarunik pigaaruteqarluinnarpoq, Jonas Jensen qamannga pisumik oqarpoq.
Piginnaasanik, ilungersornermik ataatsimoornermillu peqarneq pissutigalugu ujammit saviminerinnaanngillat — tassaapput Kalaallit Nunaanni inuusuttut timersortartutut inuttullu ineriartornissaannut periarfissinniarlugit ullut tamaasa suliniuteqartartut iliuuserisimasaannut uppernarsaatit takussaasut.
Tulluusimaarneq nukittunerpaavoq
Ukioq manna issittumi ataatsimoornissaq kulturikkullu avitseqatigiinneq pingaarnersaapput, tamannalu Jonasip malugisinnaavaa.
– AWG 2026 kingumut qiviarukku ataatsimoorneq ikinngutigiinnerlu nukittunerupput. Nutaanik attaveqartoqalerlunilu peqataasut inuunerminni ingerlateqqitassaannik misigisaqartoqarpoq. Unammiuaarnerit inuusuttunut piginnaanermik misiliinissaannut periarfissiipput, nunani tamalaani unamminissamut inuttullu ineriartornissamut, Jonas Jensen tulluusimaarluni oqarpoq.
Jonas Jensen Team Kalaallit Nunaat ullormut tunniussimasaat tulluusimaarutigai. Ataasiakkaalli puigunaatsorsititsipput — soorlu Petra Amossen nunarsuarmi rekortiliilluni two-food high kickimi portunerpaamik tukersimmat.
- Rekortiminik angusisimanera piginnaasaqarluarnermik tupinnangaartumik aamma issittumi timersuutitsinni ileqqutoqqani kulturikkut nukittuumik inissisimanermik ersersitsivoq. Angusarissaarnera pissutigiinnarnagu peqataasunut isiginnaartartullu maligassiuinera pissutigalugit eqqaamajuassavara, oqarpoq.
Rekortiliineq Arctic Winter Games 2026-p qanoq iliorsinnaaneranut uppernarsaataavoq – pissartanngorniunneq piginnaasaqarnermik, kulturimik ataatsimoornermillu naapitsiffiusoq, inuusuttullu sapiissuseqalerfiusut, misilittagaqalerfiusut inuunerminnilu kingusinnerusukkut iluaqutigisassaminnik eqqaamasaqalerfiusut.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
