Aaqqissuisuuneq politikkikkut eqqissiviilliortoqareersoq: Naqissusiineq imminut annertuumik aaginnarneruvoq

Siumut politikkikkut sakkortuumik naqissusiilluni tallimanngormat naalakkersuisooqatigiinnermi ilaasortaajunnaarpoq.

Taamaakkaluartoq Siumumi ilaasortaasut nuimasut ukiorpassuarnilu ilaasortaasimasut marluk, Vivian Motzfeldt aamma Kim Kielsen, Siumumit aniniarlutik marlunngornermi aalajangermata tamanna politikkikkut imminut aaginnarneruvoq.

Sermitsiami aaqqissuisuuneq Masaana Egede taama naliliivoq:

- Siumup siulersuisui, pingaartumik qinersisartuminnut namminnerlu innuttaaqatigiinni inissisimaffitsik nukittorsarniarlugit, naalakkersuisooqatigiinnermit ilaajunnaarnissamut periarfissaqarnissartik naqissusiinissartillu utaqqiinnarsimarpasippaat, Masaana Egede oqarpoq nangillunilu:

- Tamakkuli tamarmik imminnut aaginnarnerattut ipput, sunniuteqarunnaarnertik kisiat pissutiginagu aammali ilaasortanik marlunnik ukiorpassuarni Siumumut partiillu politikkianut sunniuteqarsimasunik annaasaqarnertik pissutigalugu.

Siumumit naqissusiilaartarnerit maluginiarai

Vivian Motzfeldt siulliulluni marlunngormat tunuartoq kingusinnerusukkut Kim Kielsen aamma taamaaliorpoq, marluullutillu, tassa partiip siulersuisuunerisa tunngavilersuutaat malillugit naalakkersuisooqatigiinnit aninissamut isumaqatiaanngilluinnaramik, assigiimmik tunngavilersuipput.

Partiip siulittaasuata Aleqa Hammondip Siumup naalakkersuisooqataajunnaarnera partiip naalakkersuisunut ilaasortat marluk folketingimut qinigassanngortimmata naalakkersuisooqatigiinnerup takorloorsinnaannginneranik tunngavilersorpaa.

Siumup naalakkersuisooqatigiinnermi peqataanissaa nalornissutigineqalerpsq, tamannalu Aleqa Hammondip aasakkut siulittaasunngorneratigut annertusiartuinnarsimasoq aaqqissuisuuneq Masaana Egede naliliivoq:

- Naalakkersuisooqatigiit pilersinneqaramilli nalorninakujuttutut ipput, Siumumiillu avissaartuuttoqarpasissimavoq, kisianni naalakkersuisooqatigiinnikkut angusaqarnerusinnaallutik paasisimarpasippaat, Masaana Egede oqarpoq nangillunilu:

- Taamanimiilli partiimi nutaamik siulittaasoqalerpoq, siulittaasunngortullu periarfissaq immaqalu utaqqisimavaa, maannalu periarfissaq politikkikkut illuatungiliuttut maannakkullu ilaasortat nuimasut marluk naalakkersuisooqataajunnaarnissamik tunngavissaqarsorinngikkaluartut atorpaat.

Jens-Frederik unammilligassaqartoq

Naalakkersuisut siunissami qanoq isikkoqarnissaat Naalakkersuisut siulittaasuata Jens-Frederik Nielsenip (D) maanna misissuleruttorpaa:

- Unammilligassaqarpoq, Siumumi pissutsit qanoq ingerlasimagaluarpataluunniit naalakkersuisut aallaqqaammut quliusimasut maannakkut arfineq-marluinnaapput.

- Maanna qinigaaffimmi ataatsimi ingerlalluarsinnaasunik suleqatigiissitsisinnaanerluni takutissallugu suliassaraa, Masaana Egede oqarpoq.

Kim Kielsenip Vivian Motzfeldtillu Siumumit aninerisa kingorna partiip Inatsisartuni ilaasortaatitai sisamanit marlunnut ikilisinneqassangatinneqarput.