Ukiamut Ilulissani mittarfissuaq atulerpat, takornariat tikittartut amerleriarujussuarnissaat naatsorsuutigineqarpoq.
Taamaammat takornarianik sullissinermi pitsaassuseq qaffasissoq tunniunneqartariaqartoq, Ilulissani takoriartitsivimmik Dogsled and Ice Academymik piginneqataasoq Jørgen Kristensen isumaqarpoq.
Aammali sumiiffinni avinngarusimasuni angallannikkut pissutsit ilungersunartut peqqutaallutik, takornariaqarnerup ineriartortinneqarnissaa annertuumik unammillernartoqartoq, taanna oqarpoq.
Pitsaassuseq qaffasissoq
Ilulissani mittarfissap nutaap ukiap ingerlanerani atulernissaanut atatillugu, Ilulissani sumiiffinnilu allani takornariartitsiviit arlallit piffissami matumani annertuumik inerisaapput. Takornariaqarnerlu nukittorsarneqassappat nunattalu avammut nittarsaanneqarnera pitsaasuussappat, takornarianik sullissinermi pitsaassuseq qaffasissoq tunniunneqartariaqartoq, Jørgen Kristensen isumaqarpoq.
Taanna Kalaallit Nunaanni qimussertartut ilisimaneqarnerpaat ataqqineqarnerpaallu ilagaat, kiisalu Avannaata Qimussersuarni tallimariarluni ajugaasarsimalluni.
- Takornarianik angallassisartut amerlasoorujussuupput, kisianni pitsaassutsikkut aamma nikingasorujussuupput. Assigiinnarpaa akunnittarfimmi pitsaasumi unnuissagaanni pitsaavallaanngitsumi unnuinermut naleqqiullugu akisuneruvoq.
- Pitsaassuseq tunniunneqanngippat nunatta isigineqarneranut innarliisinnaavoq, tamannalu pinngitsoortinneqartariaqarpoq.
- Takornariat nuannersumik misigisaqarnissaannut, sumiiffiullu takoriarfiusup pitsaasumik ilisimaneqalernissaanut, pitsaassuseq qaffasissoq aqqutissat pingaarnersaraat, taanna oqarpoq.
Dogsled and Ice Academy pingaarnertut takornarianik qimussiussinermik ingerlataqarpoq, taassumalu saniatigut angallammik arfernik takuniaatisineq, iluliarsuarnut sermimullu takornartitsineq, kiisalu qamuteralannik angallassineq ingerlanneqartarput.
Inuttut piginnaasat atorluarneqassasut
Takornarianik sullissinermi inuttut piginnaaneqarfigisat aallaavigalugit ineriartortitsinissaq pingaaruteqartoq, Jørgen Kristensen isumaqarpoq.
- Qimussiussineq eqqarsaatigalugu ilaannikkut akisugineqartarpugut, kisianni uagut pitsaassuseq pingaartipparput, taannallu aallaavigalugu sullissisarpugut.
- Qimussernerup saniatigut ilulissat, sermersuaq silaannaallu pissusaanut tunngasut uanga soqutigisaraakka.
- Takornariat silaannaap pissusaanut tunngasumik paasisaqarusullutik tikittartut amerliartuinnarnissaat naatsorsuutigineqarsinnaavoq. Taamaattumik tassunga tunngasumik misigisassarsiortitsinerup ineriartortinnissaa aamma pingaartippara, taanna oqarpoq.
Takornariat ukiumut 30.000-it sinnillit Ilulissanut tikittarput, mittarfissuuli nutaap atulerneratigut amerleriarujussuarnissaat naatsorsuutigineqarpoq.
Avinngarusimasuni unammilligassaqartoq
Nalik Venturesip Kullorsuarmi aallarnisaaneq pillugu februari qiteqquttoq pikkorissartitsinerani Jørgen Kristensen saqqummiisunut ilaavoq. Avinngarusimasunilu takornariaqarnerup ineriartortinnissaa unammilligassaqartoq, taanna oqarpoq.
- Kalaallit Nunaat angisoorujussuuvoq aamma inoqarfiit ilai tikikkuminaatsorujussuupput. Sumiiffiilli ilaanni angallannikkut pissutsit ilungersunartut peqqutaallutik, takornariaqarnerup ineriartortinneqarnissaa killeqarpoq.
- Taamaattumik takornariaqarnermik inuussutissarsiuteqarneq nunatsinni assigiinnerusumik ineriartortinneqassappat, angallannikkut pissutsit maannakkornit pitsaanerujussuusariaqarput, taanna oqarpoq.
Naleqqussarnissaq pingaaruteqartoq
Umiarsuilli takornariartaatit sumiiffinnut avinngarusimasunut, soorlu Kullorsuarmut, tikittartut naleqqussarfiginissaat pingaaruteqartoq, taanna aamma isumaqarpoq.
- Umiarsuit takornariartaatit atorlugit takornariarpassuit avinngarusimasunut tikittartut maannakkornit annertunerusumik aningaasarsiutigineqartariaqarput.
- Taamaattumik assersuutigalugu nunaqarfinni aalisarneq piniarnerlu pillugit misigisassarsiortitsinerit ineriartortinneqarpata, tamanna nunaqarfimmi inuussutissarsiornermut annertuumik iluaqutaasinnaavoq, Jørgen Kristensen oqarpoq.
Naatsorsueqqissaartarfiup kisitsisaatai naapertorlugit, takornariat umiarsuarnut takornariartaatinut ilaallutik Kalaallit Nunaanut 2024-mi tikittut aatsaat taamak amerlatigipput 95.185-iullutik.
Umiarsuit takornariartaatit mikinerisut 250-it missaanik ilaasoqartartut nunaqarfinnut naliginnaasumik tikittarput.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
