Igdlo illuinnaanngilaq, inuusuttulliuna kiffaanngissuseqarluni naapisimaartarfiusoq, akerleriissutinillu aaqqiineq naleqartitanillu peqqissunik tunngaviliisoq. Illumi ilaat pinnersarusaartarput, arsaararlutik allallu oqaloqatigeerusaarlutik illumi suliassanik isumaginnittarput.
Tasiilami nunap immikkoortuani pisortap Hjørdis Vibergip illu Tunumi inuusuttunut ineriartornermut iluaqutaasoq oqaatigaa. Taama Kommuneqarfik Sermersooq nittartakkamini allappoq.
- Kommunitsinni inuusuttunut kulturikkut illorititarput Tasiilami inuusuttut ajunngitsumik ingerlanissaannut isumalerujussuuvoq. Inuusuttuunermiit inersimasunngorluni ikaarsaarneq Igdlomi peqqinnartumik tapersersoqatigiiffiuvoq – isersimaffigiuminartuullunilu, Tasiilami nunap immikkoortuani pisortaq, Hjørdis Viberg oqarpoq.
Inuusuttut kajumillutik ikiuuttartut maligassiuisuupput
Igdlo ulluinnarni ingerlanneqarnissaanut inuusuttut kajumissutsiminnik ikiuuttarnissaat pisariaqartinneqarpoq, taakkualu iganermut aaqqiagiinngissutinillu aaqqiinissamut akisussaaffeqarput. Inuusuttuaqqanut maligassiuisuupput. Inuusuttut inuunermi piginnaasanik illup avataani iluaqutigisinnaasaminnik ilinniartarput. Kajumissutsiminnik sulisut inuusuttuupput ulluinnarni illup sammisassaqartitsinerani peqataajuartut, taakkualu taaneqartarput kajumissutsiminnik ikiuuttut.
- Kommunitsinni inuusuttunut kulturikkut illorititarput Tasiilami inuusuttut ajunngitsumik ingerlanissaannut isumalerujussuuvoq. Inuusuttuunermiit inersimasunngorluni ikaarsaarneq Igdlomi peqqinnartumik tapersersoqatigiiffiuvoq – isersimaffigiuminartuullunilu, Tasiilami nunap immikkoortuani pisortaq, Hjørdis Viberg oqarpoq.
Qimmilerinermiit siuttussatut
Igdlomi assigiinngitsorpassuarnik sammisassaqartitsisoqartarpoq, soorlu qimussertitsisoqarluni, qaanniorneq, Mountain-Lederisut pikkorissartoqarluni kinguaassiuutinut tunngasunik ilinniartitsisoqarluni.
Illu illuaqqanik marlunnik pigisaqarpoq, inuusuttullu pinngortitamut angalaarnissamut iluaqutigisarpaat.
Igdlo 2021-mi pilersinneqarnerminiilli inuusuttunut ukiuni tallimani katersuuffiuvoq. 14-iniit 30-nut ukiulinnut, illoqarfimmi innuttaasut sisamararterutaannik amerlanerusut, sammisaqarfiusoq.
