Dronningi Margrethe sisamanngornermi ualikkut uummaserinini pissutigalugu Rigshospitalimi unitsitaavoq.
Nakkutiginiarlugu misissoqqinniarlugu sapaatip-akunnerata naanerani napparsimmavimmi uninngassaaq.
Taama kunngikkormiut sisamanngornermi ualikkut naatsumik tusagassiuutitigut nalunaaruteqarput.
Dronningi 86-inik ukiulik qasugaluarluni nikalluganngitsoq, kunngikkormiut ilanngullugu nalunaarutigaat. Nutaarsiassaqaleqqippat aamma nalunaaruteqarumaarlutik paasissutissiipput.
Uummaserineq angina pectorisitut aamma taaneqartarpoq. Tassa uummatip taqaani kalkinittoornermik pissuteqarnerusartoq nittartakkami sundhed.dk-mi allassimavoq.
Assoroortilluni sakissakkut anniarnikkut takussutissaqartarpoq.
Pujortartartut, aap naqitsineranik qaffasittoortartut, kolesteroliisa kisitsisai qaffasissut sukkortulluunniit taqqamikkut kalkeqalernissamik aarlerinaateqarnerulertartut sundhed-dk-mi atuarneqarsinnaavoq.
Dronning Margrethe kingullermik maajimi 2025-mi napparsimmavimmut unitsinneqarpoq, taamani nuannini pissutigalugu nakkutigineqarluni.
Kunngikkormiut sillimaniarneq pissutigalugu uninngatinneqartoq taamani nalunaarutigaat.
/ritzau/
