Kommuneqarfik Sermersuumi borgmesteri Avaaraq Olsen, Inuit Ataqatigiit, apriilip arfineq-pingajuat aallarnerfigalugu, qanigisaani napparsimasoqarnera peqqutaalluni sulinngiffeqarpoq.
Tamanna kommunip nittartagaani atuarneqarsinnaavoq.
Sulinngiffeqarnerani viceborgmester Poul Petersen, Demokraatit, borgmesteriugallassaaq, politikkikkullu suliat, akisussaaffiillu nangikkallarlugit.
Ullumi apriilip arfineq-pingajuanni kommunalbestyrelsep onlinekkut ataatsimiinneranni tamanna paasissutissiissutigineqarpoq.
