Nittartagaq søstreneniviogaja.dk qilattaanermut malitassiat kalaalerpaluttut nuersaanermit nuannarisaqarluartunut upperinnilluinnartunullu aningaasannanniartartoq Sermitsiamit sapaatit-akunneri pingasut matuma siorna saqqummiummagu, tamanna sunniuteqarluarsimagunarpoq.
Nittartakkalli tunuani suliaqartut nittartagaq allanngortippaat, qatanngutigiit arnat marluk silassorissuusiaq atorlugu sanaajusut Josepha Kûitse Kunak Thomsenip kiinaa ilaatigut atorlugu peerneqarpoq.
Aamma quppernerup ataani innersuussutit allanngorneqarput, Sofia Rossenip Nuummiup aamma Dorthe Ivalo Jensenip Sisimiormiup assingi maluginiarnartut peerneqarsimapput. Else Koldingimiit aamma Bodil Herninngimiit allassimasut allanngortinneqarsimanngillat.
Uukapaatitsilluni peqquserlunniarnerit ingerlaartut
Peqquserlunneq ingerlaqqippoq – nittartakkanillu mianersoqqusinerput naammanngilaq, nuersagassiallu kalaalerpaluttut naalagaaffeqatigiinnerup iluani akeqanngitsumik nassiussinissamik neqeroorutiginnittumik mianersoqqussutivut naammanngillat. "Akitsuutit akilertarpavut — tupaallatsitsisoqassanngilaq!“
Nittartagaq allanngortinneqareeraluartoq Josepha Kûitse Kunak Thomsenip kiinaa suli atornerlunneqartarpoq. Assit saqqartaliunneqarsimasut amerlasuut suli Joserpha Kûitse Kunak assinga atorlugu nittarsaassissutigineqarpoq ilaatigut Najamik Ajamillu taallugu.
Josepha Kûitse Kunak Thomsenip peqquserlunneq paasigamiuk tupaallaatigalugulu annilaammissutigaa.
- Ukiut marlussuit nuersaanikuunngilluinnarpunga, unnerluni oqarpoq.
- Digitalimik kiinnannik piginnittuusinnaannginnera annertuumik ajornartorsiutaavoq. Kiinara inunnut taamannak aningaasannanniutigineqartoq paasillugu assut maajunnarpoq, Josepha Kûitse Kunak Thomsen oqarpoq.
- Josepha inatsisitigut taperserneqarsinnaanera qularutissaanngilaq. Nittarsaassinermi akuersititseqqaarani kiinnamik atuineq inerteqqutaavoq, dr.jur. Thomas Riis, Københavnip ilisimatusarfiani paasissutissat pillugit inatsisinik professoriusoq, nassuiaavoq.
Inatsisit amerlasuut unioqqutinneqarput
- Takusinnaasattut paragraffit arlallit unioqqutinneqarput – ilaatigut GDPR-imik malittarisassat, apeqqutaavorli tamanna arlaannut atorneqarsinnaanersoq, Thomas Riis oqarpoq.
- Kiinata eqqortumik atorneqannginneranut taarsiissutissaqanngilaq, aningaasallu kisiisa iluaqutaasinnaanngillat.
- Tassa tamanna nittartakkatigut ajornartorsiutaavoq aalajangersimasoq. Tassami Facebookimi tv-kkut aallakaatitassiortoq Dyvia Das assinga atorlugu, atorneranut akuersissuteqanngitsoq bitcoininik aningaasaliinermik qularnartumik ussassaarummik saqqummiussimmat.Tamanna ukiualuit matuma siornatigut erseqqippoq
- Dyvia Dasip taassumalu sulisitsisuisa TV2-mi suliaq saqqummiuppaat – aamma politiinut nalunaarutigineqarpoq. Meta, Facebookimik piginnittuusoq, iliuuseqarusunngilaq, tamatumalu kingunerisaanik suliaq politiinit unitsinneqarpoq, taakku isumaqaramik suliaq qulaajarneqarsinnaanngitsoq eqqartuussivimmilu uppernarsaatit qajannarsisinneqarsinnaasut.
Eqiagilluinnarpara
Josepha Kûitse Kunak Thomsenip inatsisilerinermik professorip akissutaa tupaallaatiginngilaa.
- Eqqarsaatigisimavara, Sermitsiamut oqarpoq.
- Politiinut unnerluutiginissaa misissorsimagaluarpara, kisianni taamaaliorsinnaanngilanga isumaqarama kinguneqarnavianngitsoq.
- Kissaatigigaluarpara inatsisit erseqqinnerusumik aalajangersagaqartut, ingammik maannakkut qarasaasat atortorissaarutillu kisermaassillutik iliuuseqarfigineqarsinnaasut amerliartuinnarmata, aammali nittartagaq tamarmi inunnit aningaasanik arsaarinnissutigineqarsinnaasoq qanoq ajornaatsigisoq eqqarsaatigalugu, Josepha Kûitse Kunak Thomsen oqarpoq.
Sermitsiap ujarliut whois.com atorlugu paasivaa sostreneniviogaja.dk Jamal Ranj Hameed Rasulimit, Københavnip eqqaani Brøndby Strandimi najugaqartumit pigineqartoq. CVR-register naapertorlugu Jamal Ranj Hameed Rasulip suliffeqarfik The Fasion ”atisassanik kaminnillu tuniniaasartoq” ingerlappaa. Suliffeqarfik 2023-mi pilersinneqarami CloseEffectimik taaguuteqarpoq.
Krak.dk naapertorlugu Jamal Ranj Hameed Rasul Brøndby Strandimi najugaqarneranut atatillugu oqarasuaatikkut attaveqarfiginiaraluaratsigu akinngilaq.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
