Brunswick Exploration Canadamiinnaq aatsitassarsiorneq ajorpoq.
Aatsitassarsiorfik Montrealimiittoq 2024-mi Kalaallit Nunaannut nuuppoq, tassanilu Paamiuni, Nuummi, Qeqertarsuup eqqaani Uummannallu eqqaani suliffeqarfiit lithiumimik ujarlerfigisartagaanni aatsitassanik ujaasinissamut arlalinnik akuersissuteqarpoq.
Tunumi misissuineq
Tunumi Clavering Ø aamma Hudson Land, Ittoqqortoormiinit avannamut 360 kilometerit missaannik ungasitsigisumiittut Greenland Resourcesillu Qasigiannguani suliniutaanit 200 kilometerit missaannik ungasitsigisumiittut, eqqaanni aatsitassarsiorfiusinnaasut 2026-mi misissorneqassapput.
– Kalaallit Nunaanni lithiumimik ujaasineq 2024-mi aallartipparput. Siusinnerusukkut lithiumimik misissuisoqarsimanngilaq, taamaammat siullermik kitaata sineriaa avannaani Uummannamiit kujammut Paamiut tikillugu misissorsimavarput. Tunumi Clavering Ø-p aamma Hudson Landip eqqaa ukioq manna kingusinnerusukkut misissuiffigissavarput. Tamatuma saniatigut Nuup eqqaani 2026-mi ukiaanerani qillerineq pilersaarutaavoq, pisortaq Killian Charles oqaluttuarpoq, taannalu sapaatiummat Torontomi ataatsimeersuarnermi PDAC-imi Kalaallit Nunaata piiaanissamut periarfissai pillugit oqallinnermi peqataavoq.
Nuup eqqaani soqutiginartoqartoq
Ingerlatseqatigiiffiup Uummannami Qeqertarsuup Tunuanilu lithiumimik niuernikkut atorneqarsinnaasumik annertussusilinnik nassaarsimannginnera pissutigalugu akuersissutit Namminersorlutik Oqartussanut utertinneqassagunarput.
Ivisaartoq Nuup avannaata kangiani 90 kilometerit missaanni ungasitsigisoq soqutigineqalermat ujaasineq ingerlatiinnarneqarpoq. Lithium pinngortitami aatsitassatut minguitsutut nassaassaanngilaq, kisianni aatsitassani, ingammik granitimi, akuusarpoq. Lithium ilaatigut batteriliornermi atorneqartarpoq, taamaammallu piumaneqarnera ukiuni kingullerni annertusingaatsiarpoq.
EU akuliuttariaqartoq
Killian Charles naapertorlugu Kalaallit Nunaanni lithiumimik misissuinermi Kalaallit Nunaanni litiumimut, EU-mi aatsitassatut pingaarutilittut nalunaarsorsimaffimmut ilanngunneqarsimasumut, periarfissaqarluarnerata nunanut allanut, ilaatigut EU-mut, takutinnissaa aamma siunertarineqarpoq.
– Kalaallit Nunaanni saffiugassaqarlunilu lithiumimik suliniutip aningaasatigut iluatsissinnaanera takutikkusukkatsigu Kalaallit Nunaanni aatsitassarsiorniarluta aallartippugut. Lithiumeqassutsip Europa pilersorsinnaavaa, EU-Kommissionillu Kinamit nunanillu allanit lithiumimik eqqussuinermik pisariaqartitsineq annikillisinniarlugu anguniagai naammassisinnaassallugit. Unamminiarnartorli tassaavoq EU-mi suliffeqarfiit misissuinermi ineriartortitsinermilu tapersersorneqarpiarneq ajornerat. Tamannalu siunissaq ungasinnerusoq eqqarsaatigalugu unammillernartuusinnaavoq, Killian Charles oqarpoq, taannalu aatsitassarsiornissamik suliniutit aallartinneranni siuariartortitsinissaq annertunerusumik sammineqartariaqartoq isumaqarpoq.
Oqartussaasut iliuuseqapallattariaqartut
Killian Charles naapertorlugu aatsitassarsiornermut aningaasaliissutit suliniutit aallartinneranni nalorninartorsioetitsikulasarput. Oqartussanit akuersissuteqarnissaq politikkikkulluunniit aalajangiinerit sivisujaamik ingerlappata, tamanna aningaasaleerusuttunik tunuartitsisinnaallunilu taamaalilluni suliniummut ingerlalluarunnaartitsisinnaavoq. Immaqa aamma akit appariassapput, tamatumalu kingunerisaanik pisisartut aamma peerutissapput. Nunarsuarmilu aatsitassat pillugit unammillernermi nunat sukkasuumik akuersissutinik tunniussisinnaasut suliniutinut pilerinartuusinnaapput, assersuutigalugu EU-mi akuersissutinik tunniussineq sivisujaamik ingerlasarmat suliniutip piviusunngortinnissaa ajornakusoornerulertarpoq.
– Tamanna suliffissuaqarnermut unammillernatorujussuuvoq, Killian Charles oqarpoq.
Nunatta saniatigut Brunswick Exploration Quebecimi Canadamiittumi James Bayp eqqaani misissuinernik arlalinnik ingerlatsivoq.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
