Air Greenland nittartakkamini marlunngornermi nalunaaruteqarpoq. Sapaatit akunnerini arlalinni Tunumi timmisartuussineq ajornartorsiutigineqareersoq nalunaaruteqartoqarpoq.
Qulimiguulik H125 Narsarsuarmit Tasiilamut marlunngornermi mittoq, tamatumalu kinguneranik piffissami sivisuumi aalajangersimasumik timmisartuussisoqarsimannginnerata kingorna sumiiffimmi qulimiguulimmik timmisartuussisoqaqqilertoq, timmisartortitseqatigiiffik ilisimatitsivoq
Air Greenland naapertorlugu Greenland Copter suleqatigalugu marlunngornerit tamaasa Tasiilap Kulusullu akornanni timmisartuussisoqartarsimavoq, Dash-8-lu atorlugu Nuup Kulusuullu akornanni timmisartuussisoqartarpoq.
Timmisartortitseqatigiiffik ullut tulliuttut pillugit ima allappoq:
- Sapaatit-akunnerini kingullerni taamaatitsinerit ilaasunut akornutaanerat ajuusaarutigaarput, Air Greenland allappoq.
Teknikkikkut ajornartorsiutit timmisartornerlu
Taamaatitsinernut pissutaanerpaasut tassaapput qulimiguuliup teknikkikkut ajornartorsiornera, piffissani aalajangersimasuni timmisartuussinermi pissutsit ajortut allallu unamminiarnartut timmisartortitseqatigiiffimmit aqunneqarsinnaanngitsu, pissutigalugit timmisartuussisinnaannginnerit, Timmisartortitseqatigiiffik naapertorlugu pissutaapput.
Air Greenlandip oqaatigisinnaanngilaa qaqugu pissutsit nalinginnaalluinnartunngorumaartut, aamma ilaasut nassiussallu eqqugaasut tamarmik apuuffissaminnut apuukkumaartut.
- Nittartagarput nutaanik paasissutissaqartarnera naapertorlugu nutartertuassavarput, Air Greenland allappoq.
Sapaatip akunnerani matumani Sermitsiap Air Greenland attaveqarfigaa Tunumi unammilligassat pillugit apeqquteqarluni akissutillu utaqqillugit. Ilaatigut aperivavut ilaasut qassit eqqorneqarnersut qanorlu sivisutigisumik pissutsit taamaassimanersut.
