USA-p Nato qimassappagu imaluunniit tunuarsimaarnerulerpat, Europami nunat Natomut tunngatillugu allanik periarfissarsiornermik suliaqarput.
USA-mi tusagassiorfik Wall Street Journal paasissutissanik atorfilinnit kinaassusersineqanngitsunit pissarsiaminik innersuussilluni taama allappoq.
Natop Europami akisussaaffeqarnerulernissaa pineqartoq Sverigep nunanut allanut ministeria Maria Malmer Stenergard svenskit nutaarsiassaqartitsiviannut TT-mut oqarpoq.
Tysklandip pilersaarutit tapersersorai suliarlu erngertumik suliarineqalissasoq aviisi Wall Street Journal allappoq.
Europamiut amerlanerusut Nato-mi, USA-mit aqunneqarnerpaasumi, sakkutooqarnermut tunngasunut peqataatinneqarnissaat ilaatigut siunertaavoq. Amerikamiuttaaq sakkutooqarnikkut atortui Europamiut atortuinik ilaneqassapput.
/ritzau/
