Tusagassiorfik Sermitsiaq aaqqissuisuunerlu Masaana Egede Jyllands-Postens Fondip 2026 Killiligaanngitsumik oqaaseqarsinnaanermut nersornaasiuttagaannik ullumi nersornaaserneqarput.
Tamanna pivoq „pissaaneqartunit tusagassiuutinut assigiinngitsutigut sunniiniartunit tatineqaraluarlutik kiffaanngissuseqarluni, isornartorsiuilluni attuumassuteqanngitsumillu tusagassiortarnermik sulissutiginninnerat pillugu“, Jyllands-Posten Fond tusagassiuutinut nalunaarummi allappoq.
Aningaasaateqarfiup nersornaasiinermini innersuussutigaa USA-p præsidentiata Donald Trumpip Kalaallit Nunaannik tiguaaniarluni sioorasaarinera, tamatumalu kingunerisaanik tusagassiuutit ulluinnarni annertoorujussuarmik tatisimaneqarnerat.
“Tamatuma saniatigut nutaarsiassaqartitsivimmi tusagassiortut, nunanit allanit tusagassiortunut hundredelikkuutaanut nunarsuarmi tamaneersunut, Kalaallit Nunaanni politikkikkut pisartunut malinnaasinniarlugit aamma ikiuupput.”
Kiffaanngissuseqarluni oqaaseqarsinnaanermut nersornaat 2006-imi pilersinneqarpoq, siornatigullu ilaatigut atuakkiortoq Ayaan Hirsi Ali, tusagassiortoq Puk Damsgård, isumalioqatigiissitap Justitiap pisortaa Jacob Mchangama eqqartuussissuserisoq Mads Pramming nersornaaserneqarsimapput.
Nersornaat 100.000 koruuninik aningaasartaqarpoq.
