KL

DK

EN

UPERNAAKKUT ATAATSIMIINNEQ 2026

Kielseni atuuffimmi pingaarutilimmi ingerlaannarpasilerpoq

Inatsisartut marlunngornermi nal. 10 katersuupput, tassanilu Inatsisartuni siulittaasussamik qinersisoqarluni Naalakkersuisuni ilaasortanngortussat akuersissutigineqarnissaat oqaluuserisassaniipput.

Kim Kielsen Inatsisartuni siulittaasuuginnarnissaa marlunngornermi akuersissutigineqarpoq.
Thomas Munk Veirum
Thomas Munk Veirum Tusagassiortoq
Hanna Hviid
Hanna Hviid Hanna Hviid Hanna Hviid Tusagassiortoq
Saqqummersinneqarpoq

  • Kim Kielsen atuuffimmi pingaarutilimmi qinigaaqqippoq

    Thomas Veirum aamma Hanna Hviid

    Inatsisartut maannakkut siulittaasussamik qinersinialerput.

    Demokraatit Kim Kielsen siulittaasussatut innersuuppaat, taamaalillunilu taanna ingerlaqqittussanngorpasilluni.

    Vivian Motzfeldt siulittaasup tulliatut innersuunneqarpoq.

    Politikerit taakku marluk naalakkersuisooqatigiinnik tapersersuiuarnissamik isumaqatigiissuteqarput, tamannalu Kim Kielsenip siulittaasutut ingerlaqqinnissaanut pissutaasimagunarpoq.

    Naleqqamiit Jens Napãtôk’ kingorna oqaluttarfimmukarpoq. Suleriuseq pillugu ugguarluni oqarpoq, tassami Naleraq siulittaasup ukiamut qinersisoqannginnerani qinerneqartariaqarsimagaluartoq isumaqarpoq.

  • Illuatungiliuttut naammaginninngillat

    Naleraq taaseqataassanngitsoq oqaatigineqarpoq.

    Kim Kielsen siulittaasup (nammineq) attaviitsunngornikuunera pissutigalugu qinersisoqartariaqartoq oqarpoq.

    Suleriuseq malinneqartoq isumaqarpoq.

    Erik Jensen maanna oqaluttarfimmukarpoq. Suleriuseq malinneqarsimanngitsoq aamma isumaqarpoq.

    Kim Kielsenip Erik Jensen unitseriarlugu siulittaasussamik toqqaanissaq oqaluuserineqartoq eqqaasitsissutigaa.

    Kim Kielsen 18-init akuerissutigineqarluni siulittaasutut toqqarneqarpoq.

  • Ataatsimiinneq aallartippoq

    Thomas Veirum

    Inatsisartut maannakkut siulittaasuata Kim Kielsenip ataatsimiinneq ammarpaa.

    Suleqatigiinnissaq pillugu ima aallartippoq:

    - Oqaloqatigiinnikkut suleqatigiinnikkullu allannguiniarluta kissaativut aatsaat piviusunngortissinnaavavut, aallarniilluni oqarpoq.

    Naaja H. Nathanielsen Folketingimut qinersisoqarnera pissutigalugu sulinngiffeqarnissamik qinnuteqarsimasoq aamma oqarpoq.

    Vivian Motzfeldt marsip 13-ianni Naalakkersuisunit tunuartoq Inatsisartunullu ilaasortanngoqqittoq aamma paasissutissiissutigaa.

    Taamaattumik Anders Olsen Siumumeersoq ilaasortaajunnaarpoq.

    - Neriuppunga ataatsimiinnivut nuannersumik angusaqarsuserusuttumillu ingerlassasut, Kielsen oqarpoq.

  • Erik Jensen: Siumup kukkussutit aaqqinniarpai

    Oscar Scott Carl

    Siumut maanna illuatungiliuttunngornissamut piareersimasoq Siumumeersup Erik Jensenip ataatsimiinneq sioqqullugu oqaatigaa:

    - Illersornata iliuuseqartarniarpugut, angusaqarusussuseqarluta illuatungiliuuttuunissatsinnut qilanaaraarput, Erik Jensen Sermitsiamut oqarpoq.

    Oqaluuserisassaq partiip pingaartitaasa ilaat unaavoq:

    - Nalunaaquttap aalajangersarneqarnera uagutsinnut pingaaruteqarpoq. Innuttaasut kissaataannik aalajangiineq pineqarpoq (taamanikkut pitsaasumik aalajangiisimannginnerput nassuerutigaarput. Siumup kukkussutini nassuerutigaa piaarnerpaamillu aaqqinniarlugu. Innuttaasut kissaatigisaraat imaluunniit ingerlatseqatigiiffiup aalajangersimasup nalunaaquttap ingerlaarfia aalajangerussavaa, Erik Jensen aperivoq.

    Erik Jensen Inatsisartuni ataatsimiinnissaq sioqqullugu.

  • Wangenheim: Ilaasortanngortussat nutaat piareerput

    Thomas Veirum

    Demokraatineersup Anna Wangenheimip Naalakkersuisunut ilaasortat nutaat sisamat marlunngornermi ivertinneqarnissaminnut piareeqqanerarlugit assi Facebookimi quppernermini saqqummiuppaa.

    Wangenheimip Naalakkersuisunut ilaasortanngortussat aqqi taanngilai, politikerili siorna Inatsisartunut qinersisoqarneraniilli politikimik suliaqanngitsoq assimi takuneqarsinnaavoq. Tassa IA-meersoq Ane Hansen.

    Ane Hansen IA-p sinniisussaasa sisamaattut inissisimavoq, taamaattumik immaqa sinniisutut Inatsisartunut ilaasortanngussaaq, imaassinnaavorli politikeri misilittagaqarluartoq taanna Naalakkersuisunut aamma ilaasortanngortinneqaratarsinnaasoq.

    Anna Wangenheim tamat oqartussaaqataanerat sapinngisamik nukittunerpaassappat tamanut ammasumik suleqatigiittoqartariaqartoq allappoq.

    - Qilanaarpugut aalajangiiffigineqartussanut, innuttaasunut tamarmiusunut iluaqutaasussaq, politikeri allappoq.

    Politikerit assigat uani takujuk.

– Atorfiit tamaasa takukkit

PODCASTI