MALUGIUK: Allaaserisaq toqutsinermi pisuni sakkortusinnaasunik imaqarpoq, taamaattumillu mianersuutigalugu atuarneqarnissaa kaammattuutigineqarpoq.
Blok 5-imi pisumut ilisimannittut tamaasa tusarnaareerlugillu uppernarsaaterpassuillu saqqummiunneqareersut Eqqartuussisoqarfik Sermersuumi suliaq pingasunngornermi ualikkut naammassivoq. Maannamut ilisimalikkatta eqikkarnissaat piffissaalluarpoq.
Angut 20-nik ukiulik oktobarip sisamaani 2024-mi ullaap tungaani Nuummi Blok 5-imi pequusivimmi toqungasoq nassaarineqartoq ilisimavarput.
Arlaleriarluni, qularnanngitsumik ujaqqamik, anaalerneqarsimavoq. Pisoq pequusiviup saniliani pisimanissaa ilimatsaanneqarpoq, taannami madrassillu aaginnaarpput.
Angutip 42-nik ukiullip, suliami unnerluutigineqartup, ini taanna ilaannikkut siniffigisarsimagunarpaa. Taassuma assaata ipai toqutaasup aavanik tagiunneqarnikut takuneqarsinnaapput, taamatuttaaq pinerluffiusumi DNA-va nassaarineqartoq, unnerluussisussaatitaasoq nassuiaavoq.
Angulli 42-nik ukiulik angummik inuusuttumik toqutsisimasutut pinngitsuunerarpoq, aamma misissueqqissaarnermi sakku toqutsinermut atorneqarsimasorisaq tassunga attuumassuteqanngitsoq paasineqarpoq. Unnerluutigineqartoq eqqartuussinermi apeqqutinut akissuteqassanani aalajangernikuuvoq.
Toqutaasoq angullu unnerluutigineqartoq Nuummi atugarliortuupput, qanorli imminnut ilisaritigisimanersut suli ilisimaneqanngilaq.
Angut maanna 42-nik ukiulik oktobarip 12-ani 2024-mi tigusaritinnagu politiit inuit allat aamma misissuiffigisimagaat paasissutissiissutigineqarnikuuvoq. Taakkua ilaat ataaseq suliami suli pasineqarpoq unnerluutigineqaranili. Angut taanna aamma eqqartuussinermi peqataanngilaq.
Nakuusersimanermut unnerluussut suli atuuttoq
Angut 42-nik ukiulik unnerluutigineqartoq aamma arnamut juulimi 2024-mi nakuusersimasutut unnerluutigineqarpoq. Suliamilu ilisimannittut marluk pisimasoq pillugu oqaluttuarsinnaanngillat.
Unnerluussisussaatitaasulli unnerluussut attatiinnarpaat. Arnap isanneqarsimaneranik allatigulluunniit nakuuserfigineqarsimaneranut uppernarsaatinik assinik pingasunngornermi ualikkut saqqummiussivoq. Angut tamatumani aamma pisuunnginnerarpoq.
Angut unnerluutigineqartoq siornatigut toqutsinikuusoq aamma paasivarput, taannali itisilerneqanngilaq.
Suliaq arlalinnik soqutiginartunik imaqarluni ataasinngornermi nanginneqaqqissaaq. Unnerluutigineqartoq eqqartuussivimmi oqaaseqarusunngilaq, siornatigulli killisiorneqarnermini oqaaseqarnikuuvoq. Eqqartuusseqataasut paasissutissat atussanerlugit aalajangertussaavaat. Assigiinngitsunik isummerfigineqassagunarpoq.
Unnerluussisussaatitaasut angut Danmarkimi tarnikkut nappaatillit napparsimaviannut inissinneqarnissaa sooq kissaatigineraa amma suli tusanngilarput.
Eqqartuusseqataasut qanoq aalajangerumaarnerat kingulliullugu tusassavarput, taakku sapaatip-akunnerata tulliani ataasinngornermi marlunngornermiluunniit paasisaqarfigissavagut.
Abonnementer
Sermitsiaq.gl – Nittartagaq
- Sermitsiaq.gl-imi allaaserisat tamakkiisumik atuarsinnaalissavatit
- Qaammammut kr. 59.00
- Ukiumut kr. 650.00
Sermitsiaq - E-aviisi
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
AG - Atuagagdliutit E-aviisi
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-mi allaaserisat tamakkiisumik atuarsinnaanngussavatit
- Qaammammut kr. 191
- Ukiumut kr. 1.677
Sermitsiaq.AG+
- Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
- Sermitsiaq e-aviisitut tallimanngornerit tamaasa saqqummersartoq atuarsinnaalissavat
- Sermitsiaq.gl-imi allaaserisat tamakkiisumik iserfigisinnaalissavatit
- Arnanut e-magasinatut atuarsinnaalissavat
- Nutserisoq.gl atorsinnaanngussavat
- Soqutiginnikkuit abonnement@sermitsiaq.gl-imut allagaqarsinnaavutit
Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
